Учқудуқ тумани марказидаги “Келажак” ёшлар марказида, кончилик касб-ҳунар коллежида  “Ёш китобхон” танловининг саралаш босқичи бўлиб ўтмоқда.

20-22 май кунлари бўлиб ўтаётган танловнинг мазкур босқичида 50 тест саволлари орқали  ёшларнинг билими аниқланмоқда.

Танловни ўтказишдан мақсад  эса ёшлар ўртасида китобхонлик маданиятини оммалаштириш, уларнинг бадиий саводхонлигини янада ошириш ва мутолаа муҳитини шакллантиришдан иборатдир.

Ҳар битта тўғри жавоб учун  иштирокчиларга 2 баллдан берилиб, жами 86 баллдан юқори кўрсаткич қайд этган йигит-қизлар  танловнинг кейинги босқичига йўлланма олади.

Туманимизда уч кун давомида бўлиб ўтган “Ёш китобхон” танловининг саралаш босқичида 10-14 ёш  тоифасида 3 минг, 15-19 ёш тоифасида 2 минг, 20-30 ёш тоифасида 848 нафар ёшлар иштирок этди.

-Танловга тайёргарлик давомида кўплаб бадиий асарларни ўқиб тугатдим. Ўзимда маънавий улғайишни, фикрлашимдаги ўзгаришларни англадим, - дейди туманимиздаги 20-умумий ўрта таълим мактабининг  9-синф ўқувчиси Ясмина Қўлдошева.

МУХБИРИМИЗ.